ბექა ვაჭარაძე: მამაჩემი და ჩემი ძმა, უკვე წლებია ყაზახეთში საქმიანობენ, ჩემი ოჯახის წევრების მიერ განხორციელებული ჩარიცხვები კანონის შესაბამისად ყოველთვის აისახება ჩემს ქონებრივ დეკლარაციებში
ფოთის მერი ბექა ვაჭარაძე სოციალურ ქსელში გამოქვეყნებულ ინფორმაციას ეხმიანება, რომელიც ძმის მიერ მისთვის ჩარიცხულ თანხას ეხება. ფოთის მერი აცხადებს, რომ გამოქვეყნებული ინფორმაცია დეკლარაციაში ასახა და დაწერა, რომ მისი ძმა და მამა ყაზახეთში საქმიანობენ და თანხას ლეგალურად ურიცხავენ.
„ვინც მიცნობს, ყველამ კარგად იცის, რომ ჩემი ოჯახის წევრები, მამაჩემი და ჩემი ძმა, უკვე წლებია ყაზახეთში საქმიანობენ. მათი შემოსავლები დაკავშირებულია იქ განხორციელებულ საქმიანობასთან, რაც მარტივად გადამოწმებადია, ისევე როგორც საქართველოში არსებული შემოსავლების წყაროები.
ჩემი ოჯახის წევრების მიერ ჩემს ანგარიშზე განხორციელებული ჩარიცხვები წლებია ყოველთვიურ ხასიათს ატარებს და კანონის შესაბამისად ყოველთვის აისახება ჩემს ქონებრივ დეკლარაციებში.
რაც შეეხება გავრცელებულ თანხას, როგორც ჩანს, ბოლო 8 წლის განმავლობაში, ჯერ კიდევ იმ პერიოდიდან, როდესაც საკრებულოს წევრი ვიყავი, ჩემს დეკლარაციებში ასახული თანხები უბრალოდ შეაჯამეს და ახლა ცდილობენ ეს ყველაფერი სკანდალად წარმოაჩინონ.
როგორც ჩანს, ვიღაცებმა ახლა გაიგეს, რომ თანამდებობის პირების ქონებრივი დეკლარაციები საჯაროა, ან უბრალოდ ახლა დასჭირდათ წლების განმავლობაში საჯაროდ ხელმისაწვდომი ინფორმაციისგან სკანდალის შექმნა.
მე კი მშვიდად გავაგრძელებ ჩემი საქმის კეთებას. ჩემი პასუხი მსგავს მცდელობებზე ყოველთვის იქნება კეთილსინდისიერი საქმიანობა, პასუხისმგებლობა და კონკრეტული შედეგები ჩემი ქალაქისა და ფოთელების წინაშე.
მადლობა ჩემს ოჯახს მხარდაჭერისთვის, რომელიც მაძლევს შესაძლებლობას, მთელი ჩემი დრო და ენერგია ჩემი ქალაქის სამსახურს დავუთმო“ - აცხადებს ფოთის მერი სოციალურ ქსელში.
მსგავსი სიახლეები
ბექა ვაჭარაძე: „ჩვენთვის განსაკუთრებით მნიშვნელოვანია როგორც პედაგოგებისა და აღმზრდელების შრომის დაფასება, ასევე მათთვის და ჩვენი ბავშვებისთვის ღირსეული და თანამედროვე საგანმანათლებლო გარემოს შექმნა.“
ბექა ვაჭარაძე: „სტაჟირების პროცესი ახალგაზრდებისთვიდ მნიშვნელოვანი გამოცდილებისა და ახალი ცოდნის მიღების, საჯარო სამსახურში საკუთარი უნარების წარმოჩენის საფუძველი და კარიერული განვითარების კარგი შესაძლებლობაა“
