სამეგრელო-ზემო სვანეთის სახელმწიფო რწმუნებული ალექსანდრე მოწერელია, მოადგილე ირაკლი ჯიქიასთან და ადგილობრივი თვითმმართველობის წარმომადგენლებთან ერთად დიდი ჭყონის და სალხინოს ადმინისტრაციულ ერთეულებში სეტყვისგან მიყენებულ ზიანს ადგილზე გაეცნენ .

წუხელ, მარტვილის მუნიციპალიტეტში სეტყვამ დიდი ჭყონის და სალხინოს მოსახლეობის საკარმიდამო ნაკვეთები, ვაზი, თხილი და სიმინდის ყანები დააზიანა. ასევე დაზიანდა, რამდენიმე საცხოვრებელი სახლის სახურავი.

მარტვილის მუნიციპალიტეტის მერიაში შეიქმნა სტიქიის შედეგების დამდგენი კომისია, რომელიც მიყენებულ ზარალს დღეს დილიდან ითვლის.