ექიმთა საერთაშორისო დღესთან დაკავშირებით, სენაკის მუნიციპალიტეტის მერმა, ვახტანგ გადელიამ, პანდემიის ურთულეს პერიოდში, კოვიდ. კლინიკებად გადაკეთებული სამედიცინო დაწესებულებების – ,,ლაზიკამედის“ და ,,არქიმედეს“ ხელმძღვანელებს, ჟანა შამათავას, მარეხი ადანაიას და ,,სენა-მედის“ წარმომადგენელს, ირმა ხოშტარიას უმასპინძლა.

მუნიციპალიტეტის მერმა მედიკოსებს პროფესიული დღესასწაული მიულოცა, კორონავირუსის პანდემიის პერიოდში გაწეული მნიშვნელოვანი წვლილისთვის, მადლობის სიგელები გადასცა და წარმატებები უსურვა.

,,მინდა განსაკუთრებული პატივისცემა და მადლიერება გამოვხატო, კორონავირუსის პანდემიის პერიოდში, თქვენი პროფესიონალიზმისა და დაუღალავი ღვაწლისთვის. სენაკის მუნიციპალიტეტის მასშტაბით მოღვაწე მედიცინის ყველა მუშაკს, საზოგადოებრივი ჯანდაცვის ცენტრის, მუნიციპალური და კერძო სამედიცინო დაწესებულებების თითოეულ წარმომადგენელს, კიდევ ერთხელ ვულოცავ პროფესიულ დღესასწაულს” – აღნიშნა შეხვედრისას ვახტანგ გადელიამ.