სენაკის კვების ცენტრის ბენეფიციარებს უფასო სამედიცინო გამოკვლევები ჩაუტარდათ

სენაკის მუნიციპალიტეტის მზრუნველობამოკლებულთა კვების ცენტრში, მუნიციპალიტეტის მერიისა და წითელი ჯვრის საზოგადოების ერთობლივი პროექტის ფარგლებში, ცენტრის ბენეფიციარებს, უფასო პროფილაქტიკური და დიაგნოსტიკური გამოკვლევები ჩაუტარდათ.

სამედიცინო აქციის მიმდინარეობას სენაკის მუნიციპალიტეტის მერის პირველი მოადგილე, გრიგოლ ბაღათურია, მზრუნველობამოკლებულთა კვების ცენტრის დირექტორთან, ლევან ტყებუჩავასთან და საქართველოს წითელი ჯვრის საზოგადოების სენაკის ფილიალის ხელმძღვანელთან, რომან ავალიანთან ერთად გაეცნო.

აქციაში მონაწილეობას ღებულობენ სხვადასხვა პროფილის ექიმები: რადიოლოგი – მარინა ინაკავაძე, ნევროლოგი – ნანა მეკრავიშვილი, თერაპევტი – ასმათ გარსევანიშვილი და ჯგუფის ხელძღვანელი – თამარ სახლთხუციშვილი. 21 აგვისტოს, პროექტის ფარგლებში, უფასო პროფილაქტიკური და დიაგნოსტიკური გამოკვლევები სენაკის მუნიციპალიტეტის ნოქალაქევის ადმინისტრაციული ერთეულის მოსახლეობას ჩაუტარდება.

სამედიცინო აქცია პერმანენტულ ხასიათს ატარებს და სენაკის მუნიციპალიტეტის ყველა ადმინისტრაციულ ერთეულს მოიცავს.