ზუგდიდის მუნიციპალიტეტში, სოფელ ნარაზენის ახლადრეაბილიტირებულ ამბულატორიას მთავრობის ადმინისტრაციის რეგიონებთან ურთიერთობის დეპარტამენტისა, ორგანიზაცია „ელ დი ეს ჩერეთი“-ს და საერთაშორისო ასოციაცია ,,საქართველოს ქალები მშვიდობისა და სიცოცხლისათვის“ თანამშრომლობით სამედიცინო აღჭურვილობა გადაეცა.

ნარაზენის ამბულატორიამ ამ ეტაპისთვის კარდიოგრამის აპარატები, ე.წ. პაციენტის მონიტორი და სხვა სამედიცინო აღჭურვილობა მიიღო. ამბულატორია დამატებით ასევე აღიჭურვება ელექტროფორეზის აპარატურატურით.

სოფელ ნარაზენში, დეპარტამენტის წარმომადგენელი მამუკა ცოტნიაშვილი, სამეგრელო-ზემო სვანეთის სახელმწიფო რწმუნებულის მოადგილეებთან ლუდუკ ხასიასთან, დავით კუხალეიშვილთან და ზუგდიდის მერთან მამუკა წოწერიასთან ერთად იმყოფებოდა.

ნარაზენს ახალი საექიმო ამბულატორია აქვს, რომელიც ადგილობრივი ბიუჯეტის დაფინანსებით რეაბილიტირდა. სოფელს ამბულატორიის საკუთარი შენობა არ ჰქონდა და ყოფილი სკოლის ავარიულ შენობაში იყო განთავსებული.