ფოთში, საგანმანათლებლო ინფრასტრუქტურის შენებლობა-რეაბილიტაციის სახელმწიფო პროგრამის ფარგლებში 2 ახალი საბავშო ბაღის მშენებლობა და 2 საჯარო სკოლის სრული რეაბილიტაცია ხორციელდება.

ბარათაშვილის და 26 მაისის ქუჩებზე მდებარე საბავშვო ბაღებში შიდა ინფრასტრუქტურა და გარე სივრცე თანამედროვე სტანდარტების მიხედვით ეწყობა. შენობა ადაპტირებული იქნება შეზღუდული შესაძლებლობის მქონე პირთათვის. სამუშაოები საქართველოს მუნიციპალური განვითარების ფონდის მხარდაჭერით მიმდინარეობს.

მიმდინარე სამუშაოები სამეგრელო-ზემო სვანეთის სახელმწიფო რწმუნებულმა გიორგი გუგუჩიამ, მისმა მოადგილემ დავით კუხალეიშვილმა, ფოთის, ხობის და სენაკის მაჟორიტარმა დეპუტატმა გიორგი ხახუბიამ, ქალაქ ფოთის მერმა ბექა ვაჭარაძემ და საკრებულოს თავმჯდომარე ალექსანდრე ტყებუჩავამ დაათვალიერეს.

აქტიური სამუშაოები ხორციელდება ფოთის N 8 და N 15 საჯარო სკოლებში. პროექტის შესაბამისად სრულად განახლდება სკოლის როგორც შიდა,ასევე გარე ინტერიერი. კეთილმოეწყობა ეზო. სარეაბილიტაციო სამუშაოებს განათლების, მეცნიერებისა და ახალგაზრდობის სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტო ახორციელებს.