წალენჯიხელი მოჭადრაკე ანდრია სარია საქართველოს ჩემპიონი გახდა
წალენჯიხელი მოჭადრაკის მორიგი ტრიუმფი- 8 წლამდე ჭაბუკთა შორის საქართველოს ჩემპიონი ანდრია სარია გახდა!
წალენჯიხის საჭადრაკო სკოლის აღზრდილმა, ანდრია სარიამ, ქალაქ ქუთაისში გამართულ ჩემპიონატში, ბრწყინვალე გამარჯვებას მიაღწია. მან სწრაფ და ელვისებურ ჭადრაკში დამაჯერებლად იასპარეზა, საქართველოს ჩემპიონის ტიტული მოიპოვა და 8 წლამდე ასაკობრივ კატეგორიაში ქვეყნის საუკეთესო მოჭადრაკედ დასახელდა.
მუნიციპალიტეტის მერმა გუბა საჯაიამ, მოადგილეებთან და სასპორტო ცენტრის ხელმძღვანელთან ერთად, ანდრიას ეს მნიშვნელოვანი გამარჯვება მიულოცა, სამახსოვრო საჩუქრები გადასცა და შემდგომ ასპარეზობებში წარმატებები უსურვა.
აღსანიშნავია, რომ ნიჭიერი მოჭადრაკის სტიმულირებისა და მხარდაჭერის მიზნით, მერიისგან მას ფულადი ჯილდოც გადაეცემა.
საქართველოს ჩემპიონი ანდრია სარია უკვე ევროპის ჩემპიონატისთვის ემზადება, სადაც ქვეყნისა და წალენჯიხის ღირსებას საერთაშორისო ასპარეზზე დაიცავს.
